Fra Elvis til Samuelsenkonsert med Herrens glade gutter

Elvis Presley og Aage Samuelsen har sett spor etter seg med musikken dei framførte.  Dei var kjende for å servera frisk musikk, og begge fekk på sin frimodige måte bringa evangeliet ut gjennom songen og musikken.  

I oktober tek ein gjeng med glade amatørar frå Fitjar, som ligg på vestkysten av Noreg, turen til Spania for å visa fram noko av det Broder Aage og Elvis hadde å by på.  Dei vil  framføra eit program med låtar frå Elvis  sitt gospelrepertoar og evangeliske songar av Broder Aage - ein spenstig kombinasjon.  Programmet har eit stort spenn, med alt frå rolege balladar, til gospel- og vekkelsessongar med godt driv.  Tidlegare sjømannsprest Roald Drønen vert med og bind programmet saman, m.a. ved å fortelja om dei to legendane. 

Konserten har tidlegare blitt spelt for fulle kyrkjer og forsamlings hus i regionen der musikantane kjem frå.

Dei glade amatørane som deltek på konserten er: 

Harald Rydland, kapellmeister på piano, trekkspel og melodika

Tom Rydland, song og tamburin

Arve Rydland, song

Sigbjørn Mæland, bassgitar 

Sigurd André Maraas, gitar

Dagfinn Brekke, gitar og trompet

Terje Træet, trommer

Vi ser gjerne at du bestiller og betaler dine konsertbilletter i skjemaet under her på nettsiden. Du vil da få en e-post med bekreftelse og billett (er) som du enten kan skrive ut eller fremvise på din mobiltelefon ved inngangen.  

Du kan også kjøpe billetter i kirken. Eventuelle usolgte billetter selges på konsertdagen.